គួរចៀសវាងក្នុងការទទួលទានផ្លែឈើ ព្រោះនឹងផ្តល់នូវគុណវិបត្តិមួយចំនួន
មនុស្សភាគច្រើនមើលឃើញថា
ផ្លែឈើដែលយើងនាំគ្នាទទួលទាននោះសុទ្ធតែផ្តល់ប្រយោជន៍
ព្រោះមានវីតាមីនផ្សេងៗដែលជួយបង្កើនឱ្យរាងកាយរឹងមាំ និងយល់ថា
ទទួលទានផ្លែឈើហើយនឹងធ្វើឱ្យយើងមិនធាត់ និងមានសុខភាពល្អ។
តែនៅក្នុងការពិតវិញ អ្នកដឹងឬទេថា ផ្លែឈើក៏អាចផ្តល់គុណវិបត្តិដល់រាងកាយរបស់មនុស្សយើងបានដូចគ្នា។
យើងគួរបែងចែកប្រភេទរបស់ផ្លែឈើ
ព្រោះផ្លែឈើប្រភេទខ្លះក៏មិនស័ក្តិសមសម្រាប់អ្នកជំងឺដែលកើតរោគផ្សេងៗដែរ
ដូចជា ៖
១.អ្នកកើតជំងឺទឹកនោមផ្អែម
គួរចៀសវាងផ្លែឈើដែលមានរសជាតិផ្អែម
ឬផ្លែឈើដែលមានរសជាតិជូរអែម ឬអាចទទួលទានបានត្រឹមតែបន្តិចបន្តួចប៉ុណ្ណោះ។
២.ស្ត្រីកំពុងមានគភ៌
គួរតែចៀសវាងការទទួលទានផ្លែឈើដែលផ្លែខុសរដូវកាលព្រោះថាមានភាពប្រថុយប្រថានខ្ពស់ណាស់ក្នុងការបានទទួលសារធាតុគីមី
ការប្រើអ័រម៉ូន ជី ឬថ្នាំសម្លាប់សត្វល្អិតក្នុងកម្រិតដែលខ្លាំងជាងប្រក្រតី
រហូតអាចហុចផលអាក្រក់ដល់កូននៅក្នុងផ្ទៃបាន ។ ក្រៅពីនេះ
នៅគួរចៀសវាងការទទួលទានផ្លែឈើខ្ចី និងផ្លែឈើដែលឆ្លងកាត់ការកែច្នៃផងដែរ។
៣.ក្នុងរដូវក្តៅ
គួរចៀសវាងការទទួលទានផ្លែឈើណាដែលមានឫទ្ធិក្តៅ
ជាពិសេសជាមួយមនុស្សចាស់
ព្រោះនឹងធ្វើឱ្យសីតុណ្ហភាពក្នុងរាងកាយឡើងខ្លាំងជ្រុល ដូចជា ផ្លែមៀន
ធុរេនរួមទាំងម្ហូបអាហារមានរសជាតិហឹរផងដែរ។
៤.អ្នកដែលកំពុងទទួលការព្យាបាលពាក់ព័ន្ធ
រោគក្រលៀន
គួរតែចៀសវាងការទទួលទានផ្លែស្ពឺ ព្រោះអាចកើតមានការជ្រៀតជ្រែកពីអាការដទៃបាន
ព្រោះក្នុងផ្លែស្ពឺមានសារធាតុមួយប្រភេទដែលហៅថា អុកសាលេត
ដែលអាចធ្វើឱ្យកើតសភាវគាំងក្រលៀនទាន់ហន់បណ្តាលឱ្យមានគ្រោះថ្នាក់ដល់ជីវិតបាន។
ទោះបីជាក្នុងផ្លែឈើប្រភេទនីមួយៗមានវីតាមីនដែលផ្សេងពីគ្នា
ទាំងវីតាមីន A, C, E, B1,B2, B6, បេតាឃែរ៉ូទីន, កាល់ស្យូម ផូស្វ័រ និងសារធាតុដែកមែន
តែប្រភេទខ្លះក៏មានបរិមាណជាតិស្ករ និងម្សៅខ្ពស់
រួមទាំងរសជាតិដែលខុសប្លែកពីគ្នាដែរ។
អ្វីទាំងអស់នេះអាចជាបច្ច័យធ្វើឱ្យកើតរោគផ្សេងៗកើតឡើងបាន
បើទទួលទានមិនបានល្មមសមរម្យ។
ផ្លែឈើផ្តល់ឱ្យទាំងគុណប្រយោជន៍
និងគុណវិបត្តិ
ដូច្នេះមុននឹងអ្នកទទួលទានអ្វីគួរនឹកដល់សុខភាពខ្លួនឯងជាមុន
ហើយដែលសំខាន់គឺការទទួលទានក្នុងបរិមាណដែលសមល្មមនឹងតម្រូវការរាងកាយ៕
Comments
Post a Comment